އިޢުލާން
މަގަށް ދަތިވާގޮތަށް ހެދިފައިހުންނަ ރުއް އަދި ގަސްކޮށުމާއި ގުޅޭ
މި އަވަށުން ދިރިއުޅުމަށް ދޫކޮށްފައިވާ ބަންޑާރަ ގޯތީގައި ހައްދާފައިހުންނަ ގަސްތަކާއި ރުއްތަށް މަގަށް ދަތިވާގޮތަށް ގޯތިން ބޭރަށް ހެދިފައި ހުންނަކަން ފާހަނގަވެއެވެ. މިގޮތަށް ހުންނަ ގަސްތަކުގެ ތެރޭގައި ބިޔަކޮށް ހެދިފައި ހުންނަ ގަހާއި ބަގީޗާގެ ގޮތުގައި ހައްދާ ބާވަތުގެ ކަށިހުންނަ ގަސްތައް އަދި ރުއްތައް ހުންނަކަން ފާހަނގަވެއެވެ. އަދި، މިގަސްތަކުގެ ސަބަބުން ހިނގާ މީހުންނާއި ދުއްވާ އުޅަނދުތަކަށް ދަތިވުމުގެ އިތުރުން ގަހުންވެއްޓޭ އެއްޗެހިން ޖެހި ގެއްލުން ލިބޭ ކަމުގެ ޝަކުވާ މިއޮފީހަށް ތަކުރާރުކޮށް ލިބެމުންދެއެވެ.
ވީމާ، މިފަދައިން ހައްދާފައި ހުންނަ ގަސް އަދި ރުއްތައް، މިއަދުން ފެށިގެން 05 ދުވަހުގެ ތެރޭގައި ކޮށާ ސާފުކުރުމަށް އާއްމުކޮށް އަންގާ އިޢުލާން ކުރަމެވެ.
އަދި މި މުއްދަތުގެ ތެރޭގައި ނުކޮށި ހުންނަ ގަސްތައް އަވަށު އޮފީހަށް ފެންނަގޮތަކަށް (މަގަށް ދަތިނުވާނެހެން) ކޮށާނެކަން އެންމެހާ ފަރާތްތަކުގެ މައުލޫމާތަށްޓަކައި ދަންނަވަމެވެ.
06 ރަބީޢުލްއާޙިރު 1447
28 ސެޕްޓެމްބަރ 2025